​​ముగిసిన శకంBack to list

 ​​ముగిసిన శకం 

 ఏరా మనవడా ఎప్పుడొచ్చావ్, ఏరా అల్లుడూ ఏమిటి పిల్లల కబుర్లు , ఇకపై ఊరు వెళ్ళినపుడు ఇలాంటి పలకరింపులు మనకి వినిపించవు. రోడ్డు మీదకి రాగానే కనిపించే ఆ మందుల షాపు ఇక తెరుచుకోదు. అవును,  50 ఏళ్లుగా మన గ్రామస్తుల జీవనంలో పెనవేసుకుపోయిన గోపాలకృష్ణా మెడికల్ ఎంపోరియం ప్రస్థానం ముగిసింది. గ్రామంలో 50 ఏళ్ల క్రితం స్థాపించిన తోలి మందుల షాపు ఇక చరిత్రలోకి వెళ్ళిపోయింది. పిల్లల్ని , పెద్దల్ని ఆప్యాయంగా పలకరించే ఆ ధవళ వస్త్రధారి ఇక కనపడడు. పేదోడి డాక్టర్ , పెద్దోడి కాంపౌండర్  శ్రీ వేమూరి గోపాలకృష్ణ శకం ముగిసింది. అందరూ ఆప్యాయంగా మందులషాపు గోపాలకృష్ణ గారూ అని పిలుచుకునే ఆ నిండైన మనిషి ఇక మనకి లేరు.